De persoonlijke dienstverlening van vrogger
mit de kwaliteit van tegenwoordig.
Duinkerken Consultancy (DC) is een belastingadvieskantoor veur bevleugen ondernemers.
Wij onderscheidt oes deur het levern van hoge kwaliteit en umdat wij leegdrömpelig blieft.
Oen jaorwark en belastingangifte levert oes de stoete op, de welgemiende interesse kriej der gratis bij.
De veurdielen onder mekaar:
DC lat oe het belang van de jaorrekening zien. Dit doere wij deur het rapport inholdelijk mit oe deur te praoten. Daordeur zegt de cijfers oe meer en kuj in een vrogger stadium oen bedrief (of bedrieven) bijsturen.
Deur de bespreking van de cijfers kuj neie inzichten kriegen. Ie kunt dervan op an dat het financieel veurdelig is um op een frisse maniere tegen oen bedrief an te kieken.
PROACTIEF ADVIES
Oen belang veurop.
Zo gauw aj klaante bij oes wordt, gaore wij mit menaar um taofel zitten um oen doelstellings deur te nemen.
Zu’n gesprek kost niks en der is gien tiedsdruk aj oen idealen an oes uutlegt. Wij legt oen doelstellings vaste en adviseert oe gericht zodaj een passend advies kriegt. .
EFFICIËNTERE WERKWIJZE
DC is een leegdrömpelig advieskantoor.
Wij kiest der bewust veur um gien accountanskantoor te wezen. Daordeur hebt wij niet te maken mit zwaore dossiervereisten waor aj as klaante wel veur mut betalen mar waor aj niks an hebt.
Op dizze maniere kunt wij oeze tied goed gebruken en oen cijfers beter beoordelen.
KERNWEERDES VAN DC
Eerlijkheid en Dudelijkheid.
Der is mar iene eerlijke pries veur oen jaorwark en det is de pries van de tied die het wark kost. Daorumme stuurt wij oe altied een urenspecificatie zodaw mekaar recht in de ogen kunt blieven kieken. Mar aj liever een vast bedrag op de rekening wilt hebben kan dat ok, vanzelf. In overleg kan dit natuurlijk altied.
Deskundig Advies.
Wij garandeert daj professioneel advies kriegt veur oen jaorwark. As der biezunder ingewikkelde situaties bint, haalt wij der professionele hulp van butenaf bij. Op die maniere betaal ie allent veur specifieke kennis aj die ok gebruukt. Ie betaalt dus gien standaard premiumpries as dat niet neudig is.
Vlotte reactietied.
Wij doet oes beste um oen dagelijkse (belasting)vraogen binnen 24 uur te beantwoorden. . Gekke wachttieden van een weke of langer koom ie bij oes niet tegen. En aj oes belt of mailt, hoej daor niet veur te betalen. Wij zit niet op minuten te kieken. Dat is oeze service.
