Bij Duinkerken Consultancy (DC) kuj terechte veur al oen accounting- en belastingzaken. Wij bint specialiseerd in belastingrecht en het opstellen van jaorrekenings. Wij deinkt altied mit de ondernemers mit um zodoende het beste rissultaat te halen. Wij helpt oe graag — laot gerust van oe heuren!
DC garandeert oe een jaorrekening die as volgens de wetten en regels eschreven is én naor oen weinsen is opesteld. Wieder kriej een anvullend verslag van alle beviendings die as te maken hebt mit bijveurbield belastingrisico’s, eventuele toekomstige kostenverlegings en kaansen um de umzet te verhogen.
Oes team regelt al oen belastingzaken zoas IB, VPB, OB, ICP en LH. Mit de fiscale software die as wij gebruukt, kunt wij oen angifte optimaliseren, waordeur aj soms wel duzenden euro’s per jaor kunt besparen. Das eigenlijk niet mogelijk mit de software van de Belastingdienst.
Behalve dat wij steeds probiert oe het beste fiscale advies te geven, bint wij der ok um mit te overleggen aover algemiene zaken. Wij stelt vraogen waor aj wieder mit koomt en zegt eerlijk hoe as wij deraover deinkt. Wij leert oe graag kennen, ie oes ok?
Ie kriegt van oes advies welke maniere van administratievoering het beste bij oe en oen bedrief past. Van ZZP töt MKB. Het team van DC hef roemschoots ervaring mit administratieve programma’s, bijveurbield mit Exact Online, Reeleezee, Acountview en Snelstart.
