F.A.Q

Antwoorden op de miestgestelde vraogen!

Waorumme is dizze oplossing beter dan een accountantskantoor?
Een accountantsorganisatie zit vaste an zwaore wet- en regelgeving die as mit name bedoeld is veur grote bedrieven. Veur een MKB-ondernemer voegt die wet- en regelgeving barre weinig toe. Mar ie betaalt der wél veur aj oen jaorrekening laot doen deur een certificeerd accountantskantoor. Een Register Belastingadviseur (RB) is niet ebunden an de wettelijk regels veur het beroep van accountant. Tegeliekertied stiet een RB wel garant veur kwaliteitsadvies. Op dizze manier kunt wij efficiënt warken zonder daw inlevert op kwaliteit.

Waorumme zo’k aoverstappen a’k al adviseur hebbe?
Wij twiefelt der niet an dat de adviseur die aj nou hebt zien wark goed döt. Mar het is altied zo dat de kritische blik en het actieve mitdeinken nao verloop van tied vermindert. Daordeur kunt kaansen en bedreigings aover de kop eziene worden en da’s zunde. Aj aoverstapt naor een aander kantoor, wordt der weer mit een fisse blik naor oen bedrief ekeken en wordt beter eziene wat veur kaansen der nog ligt. Trouwens, ‘aoverstappen’ klinkt as een hiel ding, mar zoveule stelt het niet veur. Wij weet precies waj neudig bint um bij een aander kantoor wieder te gaon. As de adviseur waor aj nou bij zit de boel op orde hef, kan oen dossier in een kwartiertie verstuurd worden.

Waorumme Duinkerken Consultancy en niet een aander kantoor?
Ie zult niet snel een kantoor kunnen vienden dat dezelfde service kan bieden as wij. Wij levert gewoonweg meer deur het anvullende verslag mit dudelijke verbeterpunten daj kriegt, wij bint veurdeliger umdaw efficiënter warkt en wij bint transparanter umdaw zu’n dudelijke urenumschrieving op de rekening zet. Körtumme: aj klaante bij oes bint, verbetert de kwaliteit van oen jaorwark en betaal ie minder.
Um zo goed meugelijk samen te kunnen warken, investeert wij volop tied in oe. Um te begunnen in het eerste, gratis gesprek um te heuren wat oen doelen, ideeën en weinsen bint. . As wij oen doelstellings weet, kuw advies geven waor aj echt wat mit kunt.

Wat is het Register Belastingaviseurs?
Het Register Belastingadviseurs (RB) is een beroepsorganisatie waor as meer dan 7.000 belastingadviseurs bij zit. Ben Duinkerken is lid van het RB en daorumme kuj der vanuut gaon daj goed en verantwoord advies kriegt. Het professionele netwark van RB volgt mit grote regelmaot bijscholings en gef ok juridische ondersteuning. .